Димитров: Разлики има, но преговорите не се во ќорсокак

Добивај вести на Viber

Разлики има, но преговорите не се во ќорсокак, изјави денеска министерот за надворешни работи, Никола Димитров по средбата со грчкиот колега, Никос Коѕијас во Солун.

Тој знае дека очекувањата се големи, а средбите се чести.

„Но, исто така како што знаете и роковите се многу кратки, а влогот е голем. Истражувавме опции, за двете потешки прашања што останаа. Имавме многу корисна средба и вчера и денеска. Целта е да најдеме едно чесно, одржливо решение кое двете страни ќе го прифатат, главно, решение што ќе продуцира пријателство, а не фрустрации. Мислам дека само такво решение може да е одржливо и трајно“- изјави Димитров.

Димитров рече дека разлики уште има, но дека не би го употребил зборот „ќорскокак“ за тоа до каде се сега преговорите.

„Ова што вчера и денеска го направивме е испитувавме комбинации што едната и другата страна би можела да го прифати и тоа е нашата задача. Треба за овие елементи да разговараме и дома и да видиме дали може поплодно да ја искористиме слдната средба. Прашањето е коплексно, а влогот е голем“- рече Димитров.

Тој рече дека не е тајна дека преостанатите прашања се промената на Уставот и за опсегот на употребата на новото име, на што инистира Грција.