Директорот Хасипи уверува дека свидетелства ќе има навреме за учениците

Добивај вести на Viber

Директорот на Бирото за развој на образованието,Зекирија Хасипи, уверува дека ќе има свидетелства за учениците од основно и средно училиште до почетокот на новата наставна година.

Тој вели дека се чекало да заврши жалбената постапка од јавната набавка и од следната недела ќе почне со дистрибуирање на свидителствата до сите училишта во државата, изјави денеска Хасипи.

– Уште во текот на јуни беа дистрибуирани свидителствата и дипломите за матурантите кои завршија тригодишно и четиригодишно образование, како и за учениците од  деветто одделение со цел непречено да можат да го продолжат своето натамошно образование. Дистрибуцијата на свидителствата за останатите ученици доцнеше поради жалбена постапка која веќе заврши, така што од следната недела ќе почнеме и со нивна распределба по сите училишта во државава, велипрвиот човек на бирото.

Свидетелствата за учениците се круна на завршената школска година, но годинава изостана нивното традиционално доделување кое вообичаено е во јуни. На прагот на почетокот на новата школска година се уште не се знае кога учениците ќе ги добијат свидетелствата. 

Договорот за набавка на свидетелствата и за основно и за средно образование е склучен дури на 1 август. Тендерот го добила фирмата Арбериа Десигн од Тетово.