Добивај вести на Viber
Европската комисија денеска соопшти дека одобрила доделувањето на најмалку 11 милијарди евра помош за Украина на краток и среден рок, пренесоа агенциите.
Повеќето од мерките влијаат периодот до 2016 година, прецизира на прес-конференција претседателот на ЕК Жозе Баросо. Тој посочи дека Украинците треба сами да си ја утврдат иднината.
Последните настани не убедија дека мирот не е гарантиран, додаде Баросо. Тој повика на мирно решение на оваа криза. Треба да бидат почитувани правата на сите Украинци, поддржуваме распоредување на меѓународни набљудувачи, изјави Баросо.
По неговите зборови сегашната криза е предизвик за можностите на ЕУ за заштита на стабилноста во регионот.
Остануваме подготвени за потпишување договор за асоцијација и трговски договор, додаде Баросо.
За прв пат во години се појавува слична закана за мирот и стабилноста на континентот, коментира тој. Баросо изрази очекување на вонредниот Европски совет утре да биде даден јасен заеднички одговор на кризата, бидејќи тоа е важно за единството на ЕУ и нејзините институции, како и за меѓународните партнери. Баросо најави дека се предвидува закажувањето на донаторската конференција за Украина во Брисел.
Прифатените денес мерки се насочени кон стабилизирање на украинската економија, како и кон промовирање на политичките реформи, се наведува во соопштението на комисијата. Меѓу утврдените мерки е исто либерализација на визниот режим со Украина, воспоставување на слободна трговска зона, модернизација на украинскиот гасоводен систем и изградба на двонасочна врска со Словачка.
3 милијарди евра од буџетот на ЕУ ќе бидат доделени на Украина за заеми во сферата на економијата, 8 милијарди евра ќе бидат доделени од Европската инвестициска банка и од Европската банка за обнова и развој. Се предвидува можност преку инструментите за соседство да бидат пуштени 3,5 милијарди евра.
K.K.