Добивај вести на Viber
Заладувањето на односите меѓу европските земји и Москва ја отвори дебатата за експлоатација на гас од шкрилци со методот на хидраулично кршење, пренесува Дојче Веле.
Дебатата е особено силна во Германија, каде што се бара начин да се намали зависноста од рускиот гас од увоз. Но, целата дебата е прилично контроверзна со оглед на тоа што методот со кој под голем притисок се добива гас од шкрилци, според екологистите има погубно дејство врз животната средина.
Овој метод досега имаше многу противници во најсилната европска економија токму заради штетните ефекти врз околината. Но, кризата околу Крим и заладените односи со Москва се чини дека го менуваат овој тврд став. Заменик - претседателот на пратеничкиот клуб на демохристијаните во Бундестагот Михаел Фуш ја најви ваквата можност. „Мора да размислиме за алтернативни земји за увоз, како што се Нигерија и Норвешка, но и можноста за употреба на овој метод за истиснување на гасот од шкрилци во самата Германија“, рече Фуш.
Засега изгледа станува збор само за испитување на теренот и можните реакции, особено кај германската опозиција, која досега остро се спротивставува на примената на овој метод за добивање на енергенси.