ФАД ја поддржа иницијативата за зачувување на ГТЦ

Добивај вести на Viber

Наставниците и соработниците при ФАД - Факултетот за архитектура и дизајн од Скопје ја подржаа намерата објектот на Градскиот Трговски Центар од Скопје да биде прогласен за културно наследство од особено значење.

Оваа поддршка доаѓа во пресрет на референдумот со кој архитектите бараат заштита на ГТЦ како културно наследство.

Имено од денеска почнува кампањата “Излези за ГТЦ”. Во паркот Жена Парк во 20:00 часот, со кратки пораки ќе се обратат и претставници на иницијативата “Го сакам ГТЦ”, Асоцијацијата на Архитекти на Македонија и граѓански активисти.Предвидени се и настапи на познати македонски пеачи и групи, поддржувачи на кампањата. Според истражувањето на јавното мислење, спроведено од Граѓанското движење “Го сакам ГТЦ”,  дури 86,2% од граѓаните ја поддржуваат иницијативата „Го сакам ГТЦ“, додека 32,5% од жителите на скопски Центар во изминативе две години учествувале на барем една активност или кампања, како што е гушкањето на Градскиот трговски центар, потпишувањето петиција или протестирањето. Во анкетното истражување биле вклучени 600 испитаници, и најголем дел од нив 82,1 %, рекле дека ГТЦ мора да се реконструира, но да го задржи сегашниот лик.Од Грѓанската иницијатива “Го сакам ГТЦ” очекуваат позитивен исход од референдумот, закажан за на 26-ти овој месец.

[button color="orange" size="medium" link="http://faktor.mk/2015/04/06/vo-presret-na-referendumot-arhitektite-baraat-zashtita-na-gtts-kako-kulturno-nasledstvo/" target="blank" ]ВО ПРЕСРЕТ НА РЕФЕРЕНДУМОТ: Архитектите бараат заштита на ГТЦ како културно наследство![/button]