ФАКТОР НА ДЕНОТ: Даночни реформи ќе треба да обезбедат 54 милиони евра, Бесими даде детали

Добивај вести на Viber

БЕСИМИ ГИ ПРЕЗЕНТИРАШЕ ДАНОЧНИТЕ РЕФОРМИ

Министерот за финансии Фатмир Бесими на денешниот брифинг ги презентираше даночните реформи преку кои треба да се соберат 54 милиони евра, а да стапат на сила од 1 јануари 2023.

Ќе се воведе данок за реинвестирана добивка кај компаниите која досега не се оданочуваше. Нема повеќе да има поволности за придонесите за доброволниот пензиски фонд. 

Ќе се намали основата за даночни олеснувања за вложување во спортот. Ќе се укинат и преференциите кај премиите за животно осигурување. 

Ќе се оданочува и капиталната добивка од продажба на акции како и каматите од орочените депозити во банките. Ќе се оданочуваат и менаџерските немонетарни бенефити.

За социјалните придонеси ќе се укине највисоката месечна пресметка. Ќе се плаќаат придонеси за задолжително социјално осигурување за договори за дело.

Потпретседателот на ВМРО -ДПМНЕ Александар Николоски вели дека иако се подотвора вратата за зголемување на даноците, ВМРО-ДПМНЕ е против. 

СЕ НАВРШИЈА 21 ГОДИНА ОД МАСАКРОТ КАЈ КАРПАЛАК

Денеска се наврши 21 година од масакрот кај месноста Карпалак. 

СЕ ПОЈАВИ СНИМКА ОД ПАЛЕЊЕТО НА БУГАРСКИОТ КЛУБ ВО БИТОЛА

Пејачот Ламбе Алабаковски неодамна ја запали вратата од бугарскиот културен центар „Ванчо Михајлов“ во Битола, а сега се појави и снимка од целиот инцидентот, oбјави 4news.

MУАРЕМИ ПОДНЕСЕ КРИВИЧНИ ПРОТИВ ОБВИНИТЕЛКИТЕ

Aрафат Мауреми од Финансиската полиција поднесе кривични пријави против шефицата на Обвинителството за гонење на организиран криминал и корупција Вилма Русковска, како и обвинителките Ивана Трајчева и Елизабета Јосифовска.  Кривичната пријава е поднесена во скопското обвинителство, но засега детали нема. 

ЧИТАЈТЕ УШТЕ

ГТЦ е еден од симболите на Скопје и за многумина има трајна и урбана вредност. Затоа и го гушкаа и гордо кажуваа дека го одбраниле од барокната „инфекција“. И тука нема дилема дека е така.

За тоа колку се значајни најголемите стотина компании за целиот економски амбиент во Македонија, сам за себе и повеќе од доволно, говори фактот што нивниот вкупен приход лани надминал 10,7 милијарди евра! 

Министерот за финансии Фатмир Бесими нема прецизен одговор дали од 1 јануари на сила ќе стапи одложениот прогресивен данок. Вели дека за тоа ќе се дебатира со релевантните фактори и дека е можно секое решение за кое ќе има претходен договор.

Се поскапо станува задолжувањето на државата на домашниот пазар. Најновите државни обврзници кои се издадени пред неколку дена се веќе по каматни стапки од 4,2 отсто и 4 проценти, што е веќе на некој начин приближно со каматните стапки по кои комерцијалните банки ги кредитираат граѓаните и компаниите. 

Пикот на ковид-19 е дефинитивно зад нас, бидејќи нивото од 870 нови случаи дневно, што беше поставено како праг за одржување на надолниот тренд минатата недела, не беше пробиено во четвртокот и петокот, оценува професорот од Техничкиот Факултет во Битола, Дејан Трајковски.

Македонија е скриен скапоцен камен. Вака Материја Крегар Глиха, туристички водич од Словенија ја опишува нашата земја.