ФАКТОР НА ДЕНОТ: Мицкоски се сретна со Марта Кос, премиерот побара достоинствена интеграција во ЕУ

Добивај вести на Viber

МИЦКОСКИ БАРА ДОСТОИНСТВЕНА ИНТЕГРАЦИЈА ВО ЕУ

Цврста определба на Владата е интеграција во ЕУ, изјави премиерот Христијан Мицкоски денеска во Скопје на средба со еврокомесарката за проширување и добрососедска политика, Марта Кос. Таа престојува во дводневна посета на земјава по повод лидерскиот самит на Европската Унија и Западен Балкан.

На средбата разговарале за европската перспектива на регионот, со фокус на спроведувањето на реформите, реализацијата на Планот за раст на ЕУ за Западен Балкан и унапредувањето на соработката со европските институции.

ФИЛИПЧЕ ВЕЛИ ДЕКА ИЗВЕШТАЈОТ НА ЕП Е НАЈЛОШ ДОСЕГА

Според претседателот на СДСМ, Венко Филипче, извештајот на Европскиот Парламент(ЕП) е досега најлошиот за Македонија и нотира влијанија од Србија, Унгарија, Кина и Русија. 

„Во извештајот јасно стои дека Македонија е погодена од странско мешање и дезинформациски кампањи, вклучувајќи хибридни закани, стратешка корупција, сомнителни финансиски текови и принудни инвестициски практики, особено од Русија и од Кина. Понатаму се говори дека Европската Унија е алармирана за улогите на Унгарија и на Србија во ширење на геополитичките цели на Русија и Кина на Балканот“, рече лидерот на СДСМ.

ТУФЕГЏИЌ ЌЕ БАРА ОДГОВОРНОСТ ОД ЈАВНИТЕ ОБВИНИТЕЛИ ЗА ОБВИНЕНИЕТО ПРОТИВ ТАТКОТО НА ВАЊА

Адвокатот Владимир Туфегџиќ во Аргумент плус рече дека по правосилноста на пресудата ќе се бара одговорност на сите нивоа од јавните обвинители за обвинението за таткото на Вања, Александар Ѓорчевски.

„По моја проценка ние сме далеку од правосилност на оваа пресуда, ќе имаме жалба. Секако дека одговорност ќе се бара, тоа е сигурно, ќе се бара на сите нивоа и во таа смисла и насока не знам како ќе постапи Јавното обвинителство“, вели адвокатот. 

Месецов таткото беше ослободен од обвинение, а другите обвинети за двојното убиство на Вања и Панче, добија доживотен затвор. 

ЧИТАЈТЕ УШТЕ

Во Македонија постојат луѓе кои работеле во угостителството, имаат искуство, но бидејќи ангажманот бил на „црно“, не можат да го докажат со листа на стаж и тоа може да биде кочница за заминување во Хрватска. 

Настаните што се случија минатава недела покажаа дека во моментов во голем дел од светот, а посебно во Европа, се’ се врти околу американскиот претседател Доналд Тамп. Како планетите околу сонцето. 

Иран даде 22 жртви на секој загинат Израелец во 12 дневната воздушна војна. Израел плати над 10 милијарди долари за противоздушна одбрана од иранските ракети кои сепак во повеќе наврати ја пробија повеќеслојната противвоздушна одбрана и погодија цивилни цели во Тел Авив, Хаифа и други градови. 

фото Фејсбук/Христијан Мицкоски