ФАКТОР НА ДЕНОТ: Обвинение против 34 лица за пожарот во Пулс, има докази кој ја внел пиротехниката

Постапката за пожарот во Кочани e запрена за 11 лица, меѓу кои двајца поранешни министри. 

За нив нема доволно докази, соопшти републичкиот јавен обвинител, Љупчо Коцевски во врска со истрагата за пожарот во дискотеката „Пулс“ во Кочани.

„Значи за двајца министри се запира постапката, во период кога истите биле министри, не можам да ви кажам кои, имајќи предвид за другите имаат обвинение, за периодот кога биле на функција“, рече Коцевски.

УАПСЕНИТЕ ПОЛИЦАЈЦИ НЕ СПРЕЧИЛЕ АКТИВИРАЊЕ НА ПИРОТЕХНИКА

МВР објави дека во периодот од 14.03.2025 до 16.03.2025 на територија на СВР Штип уапсените 13 полициски службеници и функционери сториле кривично дело „тешки дела против општата сигурност“.

ВМРО-ДПМНЕ ОБЈАВИ УШТЕ ОСУМ КАНДИДАТИ ЗА ГРАДОНАЧАЛНИЦИ

ВМРО-ДПМНЕ објави уште 8 кандидати за градоначалници.

Извршниот комитет на ВМРО – ДПМНЕ денеска утврди уште 8 кандидати за градоначалници за претстојните локални избори. Кандидатот за Скопје ќе биде познат во јули. 

• Жарко Ристески, кандидат за градоначалник за Македонски Брод
• Драганчо Саботковски, кандидат за градоначалник за Могила
• Тони Тоневски, кандидат за градоначалник за Пробиштип
• Марјан Пеев, кандидат за градоначалник за Богданци

ИЗРАЕЛ ГО НАПАДНА ИРАН, А СЕГА ИРАН ВРАТИ

Иран му возврати на Израел, а експлозии одекнуваат во Тел Авив.

Сирените во повеќе израелски градови одекнуваат, а луѓето се повикуваат веднаш да заминат во засолништа, откако Иран истрела голем број ракети кон Израел. Телевизиски снимки покажуваат дека израелската противвоздушна одбрана постојано пресретнува ракети на небото.

ЧИТАЈТЕ УШТЕ

Откако гувернерот Трајко Славески неодамна изјави дека минималецот не е доволен за издржување на семејство и дека не е срамота луѓето да работат и втора работа, ги прашавме граѓаните дали работат или би работеле втора работа, дали за тоа имаат можности, енергија, време.

Фирма или правно лице кое изработува урбанистички планови повеќе нема да смее да биде и контролор на тие урбанистичките планови. Исто така фирмата која ќе прави супервизија не смее да биде ниту сопственик или управител во правно лице кое е изработувач на урбанистички план.

Струмичката компанија за производство на храна „Оранжерии Хамзали“ ја зголеми кредитната револвинг рамка за 2 милиони евра. За тие пари заложи земјоделско земјиште и сончева централа. 

Ударот на Израел врз Иран веќе ги потресе светските берзи, ја зголеми цената на нафтата и на златото