ФАКТОР НА ДЕНОТ: Сопственикот на „Пулс“ не се чувствува виновен, во судница беше кажано дека син му сакал да се самоубие

Добивај вести на Viber

ГАЗДАТА НА „ПУЛС“ НЕ СЕ ЧУВСТВУВА ВИНОВЕН

До ден денеска се чудам и сѐ уште не можам да поверувам што се случи таа вечер. Цели девет месеци сум затворен во четири ѕида и секојдневно ја преживувам таа трагична ноќ. 

Јас како човек и како родител, во клуб каде што се собираат сите млади и моите деца, никогаш не би дозволил да фали нешто, изјави сопственикот на „Пулс“, Дејан Јованов, во воведните зборови на денешното рочиште во судницата во Идризово.

МИХАИЛ ЈОВАНОВ ИМАЛ САМОУБИСТВЕНИ МИСЛИ

Адвокатка Ивана Коцевска која го брани Михаил Јованов, синот  на Дејан Јованов, газдата на дискотеката „Пулс“, кажа дека тој имал своја фирма „Карго бит ДООЕЛ Кочани“ и не добил никакви овластувања од неговиот татко да презема дејствија во име на фирмата која ја водела т.н. дискотека. 

Таа тврди и дека имало психолошки нарушувања кај нејзиниот клиент, затоа што во пожарот ја загубил девојката, со која бил 10 години и неговиот најдобар пријател, и дека и самиот се здобил со изгореници од трет степен. Според неа, кај момчето се појавиле суицидни мисли и морал да работи со психолог. Коцевска вели дека за него Основното јавно обвинителство не обезбедило ниту еден доказ и не прецизирало конкретно дејствие што му се става на товар.

ЌЕ ИМА ОСВЕЖУВАЊЕ ВО СДСМ

Лидерот на Социјалдемократскиот сојуз на Македонија,  Венко Филипче, во денешното интервју во емисијата „Директно“ на телевизија Телма, најави кадровско освежување во партијата. 

Тој посочи дека на вечерашниот Извршен одбор на СДСМ, ќе побара оставка од членовите и на следниот Централен одбор, ќе се избере новиот состав на ИО. 

„Ги бараме најдобрите луѓе, луѓе коишто имаат најдобар капацитет за да ја спроведат програмата којашто сметам дека граѓаните и тоа како ја заслужуваат. Веќе разговарав со добар дел од луѓето, не би шпекулирал со имиња меѓутоа не станува збор за целосна смена, туку за парцијално освежување на тимовите и во делот на раководството на партијата на ниво на потпретседатели и во делот на Извршниот одбор“, рече Филипче.

НЕ СЕ ЗНАЕ ДАЛИ КАЗНИ ЗА „СЕЈФ СИТИ“ ЌЕ ИМА ОД ЈАНУАРИ ИЛИ РОКОТ ЌЕ СЕ ПРОЛОНГИРА

Министерот за внатрешни работи, Панче Тошковски на пес конференција беше запрашан за пораките што возачите ги добиле за надминување на брзината за 1,2,3 километри на час, односно 51/52/53.

„Ако сме се договориле дека на ниво на држава треба да се вози 50, тогаш треба да се вози 50. Има земји во ЕУ каде строго е дозволено 50, а има земји каде што толеранцијата е 10 проценти. За тоа ќе треба да се договориме“, рече тој.

ЧИТАЈТЕ УШТЕ

Вчера министерот за внатрешни работи, Панче Тошковски, објави дека за само 12 часа, Сејф сити успеал да евидентира 65 илјади прекршоци од страна на возачите.

Агенцијата за пошти го достави својот финансиски извештај за следната година до народните избраници. Податоците на финансискиот план откриваат дека се планираат повеќе финансии за исплата на платите на вработените, но и дека најголемиот дел од планираните расходи оди токму за ставката плати.

АД ЕСМ за околу 13 и пол месеци се задолжи за повеќе од 170 милиони евра кај домашните деловни банки, откако Владата минатата недела издаде дозвола за уште еден кредит, овој пат од 60 милиони евра. Овие суми звучат како неверојатни, ако се знае дека претходно ваква пракса на задолжување речиси немаше никогаш. Лани друштвото ја заврши годината со загуба од 123 милиони евра, а кон огромен минус се движи и во 2025.

Табла јајца чини и до 400 денари, а не е исклучена можноста за ново покачување, но граѓаните велат дека и сегашните цени се високи. Според нив, една табла не треба да надминува 350 денари.

Втор ден камерите на МВР за Безбеден град ја тресат македонската јавност. Голем број возачи уште во текот на вчерашниот ден искусија точно како ќе функционира проектот кој треба да донесе ред и мир во сообраќајното лудило во земјава.

Додека се чека кој ќе го преземе „Лукоил“ надвор од границите на Русија и во време на неизвесност – што понатаму доколку не се дојде до договор, македонското Собрание склучи договор за гориво за патничките возила и дизел агрегат тежок 2,3 милиони денари.