ФАКТОР НА ДЕНОТ: Заврши притворот за Ламбе Алабаковски, тој е на слобода, но одземен му е пасошот

Добивај вести на Viber

ЛАМБЕ АЛАБАКОВСКИ Е НА СЛОБОДА

Пејачот Ламбе Алабакоски доби судска мерка за претпазливост - одземање на пасошот, а неговиот притвор заврши и тој е на слобода. Одлуката ја донесе Кривичниот совет на Судот во Битола.

Веста за битолскиот портал Апла.мк ја потврди адвокатот на Алабаковски, Дарко Стефановски. Алабаковски е осмничен за подметнување пожар во таканаречениот културен центар „Ванчо Михајлов“ во Битола, а како изјави министерот за внатрешни работи Оливер Спасовски, користејќи негови иницијали, тој во полиција го признал делото. Пејачот пред два - три месеци се врати од САД.  

ВЛАДАТА ГИ ОГРАНИЧИ ТРГОВСКИТЕ МАРЖИ

Ограничување на трговските маржи на пет и 10 проценти за трговците на мало и големо ќе воведе Владата. Ова го соопшти министерот за економија, Крешник Бектеши по одржаната владина седница.

-По консулатации со бизнис заедницата, откако беше направен инпекциски надзор, Владата само што ја усвои највисоката трговска маржа на основните прехранбени производи, во трговијата на големо и мало. Според одлуката, почнувајќи од утре, откако ќе биде објавена во Службен весник, до 30 септември, за бел леб сечен на парчиња или цел, шеќер и масло за јадење се утврдува највисока трговска маржа во висина од пет посто во трговија на големо и во трговија намало.  За брашно од пченица тип 400 и тип 500, макарони од тврда пченица, бел ориз и млеко се утврдува маржа од 10 отсто, во трговија на големо и мало – кажа Бектеши.

УКРАИНА БАРА УШТЕ ОРУЖЈЕ

Украина од западните земји доби само 10 отсто од вооружувањето кое го бараше. 

Сега украинската армија нема доволно оружје и воена опрема за рамноправно да и се спротивстави на руската војска. 

ЧИТАЈТЕ УШТЕ

По дождот во природа се раздвижуваат полжавите, но и собирачите за кои ова е шанса да заработат некој денар плус.

Општина Аеродром предводена од градоначалникот Тимчо Муцунски, инаку потпретседател на ВМРО-ДПМНЕ, формираше посебно јавно претпријатие за стопанисување со јавното осветлување за да се потпре на субвенционираната електрична енергија за домаќинства и мали потрошуивачи, односно да не ја плаќа високата цена на слободниот пазар, нешто што наиде на критики од страна на централната власт.

Ситуацијата е алармантна ако во една година убедливо најголемата млекарница во земјава има пад на профитот од 20 отсто, втората најголема има помала добивка за 33 отсто, а третата најголема компанија што произведува млечни продукти две години по ред работи со загуба. 

„Герас Цунев Трговија“ и „Герас Цунев Конфекција“ од Струмица се двете нови компании кои се најдоа на Листата за набљудување на Берзата. Причина зошто овие фирми се ставени на овој „непопуларен“ список, е што и за двете се донеле одлуки за нивна преобразба во друштва со ограничена одговорност – ДОО.