ФИЦО МУ ПРОСТУВА НА НАПАЃАЧОТ: На крајот на јуни или на почетокот на јули ќе се врати на работа
Објавено во: Свет 05 Јуни, 2024
Премиерот на Словачка, Роберт Фицо изјави дека му простува на напаѓачот кој пукаше во него.
Фицо изјави дека не чувствува никаква омраза кон лицето што го нападна и дека планира да се врати на работа кон крајот на јуни или почетокот на јули.
„Ако сè оди според планот, на крајот на јуни или на почетокот на јули можам постепено да се вратам на работа“, вели Фицо.
Тој ја објави првата видео порака до јавноста по обидот за атентат кој се случи во средината на мај. Сепак рече дека нападот сериозно му наштетил на здравјето. На Фицо лекарите му направија две операции по нападот.
Вооружениот напаѓач е обвинет за обид за убиство. Тој кажа дека пукал во Фицо затоа што не се согласувал со неговата политика. Напаѓачот е 71 годишен писател.