(ФОТО) Развиен во Германија, ќе се произведува во Полска за САД

Добивај вести на Viber

„General Motors“ (ГМ) го претстави моделот Buick Cascada наменет за американскиот пазар. Овој кабриолет првично е развиен како модел на Опел во германскиот Riselshajm, за купувач во Европа, а наскоро под знакот на американска марка ќе се продава и во САД.

Cascada е уште еден во низата модели настанати во соработката меѓу двата бренда кои му припаѓаат на ГМ. Претходно заеднички ги развива Buick Encore ,Opel Mokka, Buick Verano и Opel Astra Sedan, како и Buick Regal и  Opel Insignia.

„Opel Cascada е развиен во нашиот Меѓународен технички развоен центар во Риселхајм, каде повеќе од 6000 инжиниери работат на моделите на Опел, но и на производите на други марки на ГМ“, објаснува шефот на Опел групата, Карл Томас Нојман и додава дека моделот со значка на „Buick“ ќе се изработува во фрабрика во Полска.

Cascada е воедно и прв кабриолет од марката „Buick“ во последните 25 години. „Американската“ верзија е управувана со 1.6 ECOTEC турбо бензинец со директно вбризгување кое произведува  147 kW/200 кс и испорачува максимален вртежен момент од 300 Nm.

„Buick Cascada“ ќе има премиера на саемот во Детроит, а во продажните салони стига во првиот квартал во 2016.

Меѓутоа, тоа не е се кога станува збор за овој кабриолет. Австралиската марка Холден исто така ќе профитира на глобалната стратегија на ГМ.

Опел во 2015 ќе почне да извезува неколку модели во Австралија и Нов Зеланд, под ознака на Холден. Покрај „Astre GTC“, спортската верзија ВХР и Insigniа, меѓу нив ќе биде и еден кабриолет - Холден Каскада.