Илиевски: Регионот е премал за да може да си дозволи да остане економски поделен

Добивај вести на Viber

Генералниот директор на винарската визба „Тиквеш“, Игор Илиевски учествуваше на пролетниот „Вивалди“форум за генерални директори, кој традиционално, седма година по ред, го организира престижната школа за менаџмент во Мокра Гора, Србија.

Генералниот директор на „Тиквеш“, Илиевски беше панелист во дебатата посветена на регионалните економски перспективи со наслов „Од Вардар, па до Триглав“ на којашто учествуваа повеќе главни и извршни директори од компании кои имаат раширени бизнис операции во рамки на целиот Западен Балкан.

„Единствената перспектива за приклучок на регионоткон глобалните економски текови лежи во неговото економско обединување. Доколку како компании и брендови се ограничиме само на пазарите во сопствените земји, ги губиме сите можности за долгорочен одржлив раст и напредок. Затоа Тиквеш континуирано ги истражува потенцијалите за вложувања во специфичните вински ’тероари’ во регионот, а заинтересирани сме и за можни инвестиции во други сродни индустрии“, вели генералниот директор на „Тиквеш“, Игор Илиевски,објаснувајќи го регионалниот пристап на најголемата македонска винарница.„Ние во Тиквеш, пазарите на земјите во регионот одсекогаш сме ги третирале како и домашниот пазар. Подеднакво се посветувамеи во Белград и во Загреб, како и во Подгорица и Сараево. Токму овој пристап ја прави ’Тиквеш’ една од водечкитевинарници во регионот, која со гордост може да каже дека станува препознатлива и во светски рамки“, потенцираше Илиевски.

На годинешниот пролетен бизнис форум што се одржува во Мокра Гора сместена во живописните предели на планината Златибор во Србија, се дискутираше и за новите глобални бизнис трендови, како и за значењето на претприемачките иницијативи и промените во бизнисот.Во рамки на самитот предавање одржа и д-р Асле Тоје од Нобеловиот институт од Осло, Норвешка кој говореше за местото на Европа во новиот светски геополитички поредок, како и познатиот режисер Емир Кустурица кој зборуваше за улогата на елитатата во просперитетот на општеството.