Импортерите на нафта ќе се опарат и од Агенцијата за стокови резерви
Објавено во: Економија 01 Октомври, 2019 07:00
Од денеска и Агенцијата за стокови резерви ќе им плаќа на нафтените импортери за чувањето на ова гориво во нивните складишта, услуга која до сега со старата уредба беше практично бесплатна. Ова значи дека приватните увозници кои имаат свои складишта и ја чуваат државната нафта ќе наплаќаат и од ова место, покрај веќе започнатата наплата од Дирекцијата за нафтени резерви.
Надоместокот за чување и складирање изнесува 2,5 евра на месечно ниво за секој метар кубен резервоарски
капацитет пополнет со нафтени деривати од стоковните резерви. Истата сума на „Макпетрол“, „Окта“, „Лукоил“ и „Супертрејд“ од минатиот месец ја плаќа Дирекцијата за нафтени резерви, со тоа што оваа институција има многу повеќе купена нафта од агенцијата и нејзината треба да трае за 90 дена под претпоставка да нема никаков увоз, односно продажба во земјата.
Директорот Уљуси Бекири вели дека на Дирекцијата во секој момент и се чувани 100 милиони литри, бројка која горе-доле е постојана во текот на годината и дека исплатата за складирањето започнало со уредбата која ја донесе Владата во јули.
- Првата исплатата за месец јули ја испативме кон импортерите во текот на септември но таа беше само делумна бидејќи кога стапи на сила уредбата не го покри целиот месец. Сега во октомври ќе ја исплатиме целокупната месечна сума за август. Се работи за исплата на целокупниот капацитет за чување кој е во сопственост на приватниците, а ние имаме само мал што е наш, вели Бекири.
Кај Агенцијата за стокови резерви, за разлика од дирекцијата, е предвиден пома капацитет на чување, а во 2018 година немало промени во количината на деривати кои се складирани кај приватни складиштари. За 2019 планирано е да се купат горива кои би траеле помалку од една недела под претпоставка во земјата никој друг да не продава.
Претходно увозниците во земјата не добиваа никаков надомест за оваа услуга а беа должни да ја чуваат во своите складишта. Инаку, граѓаните со секој купен литар гориво и плаќаат на државата од 0,3 до 0,89 денари за нафтените резерви, па по оваа основа државата годишно собира околу осум милиони евра, но фирмите што ги чуваат резервите, со години не добиваа никаков надоместок.
Претходниот начин на добивање „компензација“ беше застарен и потекнува од времето на СФРЈ со кој компаниите може да го користат горивото од резервите, но потоа да го вратат, што во суштина значи никаква добивка за тоа.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Нема веќе одење во Царинската управа по потврди за царински долг, Централниот регистар со еден клик ги гледа електронски
Над 40 авто-школи под надзор на Комисијата за заштита на конкуренцијата поради сомнежи за усогласено однесување
ВО ЗЕМЈАВА ИМА 80 ИЛЈАДИ АКТИВНИ КОМПАНИИ: Расте бројот на отворени бизниси
ДОМА, ВО РЕСТОРАН ИЛИ НА ПАТУВАЊЕ: Колку пари планираат да потрошат граѓаните за Нова година?
Ќе се изгради ли конечно „вечниот“ далновод со Албанија? Се пријави „Далековод“, не се знае колку пари се потрошени досега
ЌЕ СЕ ОЛЕСНУВА ПРОЦЕСОТ ЗА ЕКСПРОПРИЈАЦИЈА – се менува законот, се планира „привремено заземање на земјиште“
Ненајавена рација во европските канцеларии на „Тему“
ВО КОМПАНИЈА ВО МАКЕДОНИЈА Е ВОВЕДЕНА ЧЕТИРИДНЕВНА РАБОТНА НЕДЕЛА: Професорот Јовевски вели ќе мора да се скрати и работното време
