Ја трчаме Македонија заедно со Ford

Добивај вести на Viber

Автомобилскиот бренд Ford aктивно ја поддржува манифестацијата „Beach Run“, која се одржува секој викенд во текот на јули под мотото „Ја трчаме Македонија заедно со Ford“.

И утре, сите заинтересирани, може да учествуваат во трката на крајбрежјето на Преспанското езеро. На оваа манифестација учествуваат граѓани кои се грижат за своето здравје и се свесни за потребата од заштита на животната околина.

Со вклучувањето кон манифестацијата, велат од компанијата Ми-Да Гранд Моторс, Ford ја продолжува традицијата на поддршка на активности кои ја промовираат екологијата и активниот начин на живеење, согласно својата филозофија. Во своите возила, Ford веќе ги вградува најеколошките фордови мотори EcoBoost и EcoBlue, со најмала емисија на јаглерод диоксид. Компанијата даде активна поддршка и во реализација на манифестацијата „Прв до врв“, каде исто така се промовираат здравиот начин на живеење и заштитата на животната средина.

Манифестацијата „Beach run“, на почетокот на јули се одржа во Скопје, а наредните викенди ќе се одржи во Дојран, Маврово и Охрид. Во трките на 5 километри може да учествува секој што сака да се натпреварува на една, неколку или на сите трки. Организаторот ги наградува најбрзите тројца во машка и женска конкуренција, а сите натпреварувачи кои успешно ја истрачале трката ќе освојат поени според постигнатото место и тие ќе служат за формирање рејтинг табела и одредување на победникот во серијата.