ЈАВЕН ПОВИК: Таксисти добијте сертификат за такси возач

Добивај вести на Viber

Доколку сте таксист и немате сертификат за  такси возач, можете да го добиете преку град Скопје од каде распишаа јавен повик за добивање на нови сертификати за авто такси возачите.

Она што треба најпрво да го направите за да добиете сертификат е да завршите обука за авто такси возач со што ќе добиете потврда за завршена обука од правни лица за вршење обука овластени од Градоначалникот на Град Скопје.

Трошоците се на ваш товар, а право на учество имаат сите физички лица кои исполнуваат условите за да поседуваат Потврда за завршена обука издадена од правно лице овластено од Градоначалникот на Град Скопје, за кое е издадено и Решение за давање согласност за трошковник од Градоначалникот на Град Скопје и да поседуваат возачка дозвола (Б категорија).

Деталите за овој повик , начинот и рокот за пријавување погледнете ги на овој линк.

Измените во Законот за превоз во патниот сообраќај, дека автотакси превозниците  ќе мора да поседуваат сертификат дека се подготвени за такси превоз пред да добијат лиценца за оваа дејност се донесоа годинава.

[button color="orange" size="medium" link="http://faktor.mk/2015/06/02/povikuvaneto-taksi-e-polesno-od-bilo-koga/" target="blank" ]Повикувањето такси е полесно од било кога![/button]

Постапката за обезбедување на серитфикатот е иста како онаа што во моментов ја спроведува Министеството за транспорт и врски за добивање сертификат за управител и за возач во меѓународниот патен сообраќај, појасни тогашниот министер Миле Јанакиески.

„Возачот на такси возило најпрво треба да посетува обука во овластена институција, односно компанија, па со потврдата за завршена обука ќе поднесе пријава за испит и врз основа на уверението за положен испит ќе може да поднесе барање за добивање на сертификат за авто-такси возач“, рече поранешниот министерот.

Кандидатите кои што ја завршија обуката и го положија испитот во јануари ги добија првите Сертификати за авто-такси возачи во Град Скопје.

Градот Скопје по објавување на Јавниот повик при продолжување или изготвување на нови лиценци за авто-такси превоз како услов за истите ќе го бара и Сертификатот за авто-такси возачи и без него нема да издава лиценци за вршење на оваа дејност.