Јитка Пантучкова: Спорот со името го отежнува пристапот до меѓународните финансиски институции

Добивај вести на Viber

 Претседателката на Управниот одбор на Охридска банка - Сосиете Женерал, Јитка Пантучкова смета дека Македонија се справува добро со економската криза, иако се бори со отежнатиот пристап до меѓународните институции, јави дописникот на МИА од Прага.

„Причината е досега нерешениот спор за името на земјата, бидејќи северната провинција на Грција го носи името Централна Македонија и за Грците е неприфатливо соседна земји да има речиси исто име - Република Македонија. Затоа, мора Македонија официјално да го користи името ФИРОМ - Поранешна Југословенска Република Македонија, објаснува Пантучкова во интервју за економскиот весник Е-15, дел од изданието на „Млада Фронта Днес“.

За Пантучкова, причината за малиот раст на економијата и стагнирањето на индустриското производство е во фактот што главниот партнер на земјата се земјите на ЕУ, особено Германија. Анализирајќи ја стабилната македонска валута, првиот човек на УО на Охридска банка, објаснува дека обременетоста на земјата со странски задолжувања е релативно ниска, односно околу 30 проценти од Бруто домашниот производ (БДП).

„Динамички се развиваат кредитите на населението и дел од нив започнаа помасовно да се нудат од неодамна. Ова се однесува за хипотеките, или катастарските недвижности кои функционираат од скоро“, рече Пантучкова, која објаснува дека Македнците во последните пет години повеќе се заинтересирале за потрошувачките кредити.

На прашањето колку грчката криза влијае на Македонија таа смета дека грчките компании кои се присутни во македонската индустрија и во банкарството се поуспешни отколку во својата земја.Исто така, смета таа  неопходно да се подобри патниот и железничкиот сообраќај на Македонија со нејзините соседи - Грција, Албанија и Бугарија.

Таа додава дека Македонците немаат навика постојано да се заблагодаруваат како Чесите и немаат навика да ги слушаат надредените. Сепак, таа е задоволна со своите резултати кои ги остварила од доаѓањето во Охридска банка, пренесува МИА.