Јовески ја суспендира Русковска, а Муареми се повлече од директорската позиција во Финансиска полиција
Објавено во: Македонија 16 Август, 2022 16:37
Арафат Муареми повеќе нема да биде на чело на Финансиската полиција. Тој најави дека се повлекува од функцијата, со цел да нема сомнежи во јавноста дека врши притисоци врз обвинители.
Муареми информира дека по своја сопствена волја се повлекува од функцијата в.д директор на Управата за финансиска полиција, имајќи ја предвид одлуката на Јавниот обвинител Љубомир Јовески да поведе постапки за утврдување дисциплинска одговорност за сите три јавни обвинителки и да ја суспендира Вилма Русковска од функцијата основен јавен обвинител на Основното јавно обвинителство за гонење на организиран криминал и корупција поради незаконитото постапување и злоупотребата на службената положба и овластување.
„Ваквата одлука ја носам со цел во јавноста да не постои ни најмал сомнеж во интегритетот, непристрасноста и независноста на постапката која што и понатаму останува да се води во Основното јавно обвинителство за гонење на организиран криминал и корупција. Денешната одлука на Јавниот обвинител на Република Северна Македонија даде јасна порака дека законите мора сите да ги почитуваат и дека злоупотребите на функциите за лични цели се недозволиви“, вели Муареми.
Претходно Русковска се пожали дека неговите најави дека ќе поднесе кривични, за претресот во просториите на институцијата која Муареми ја води, го смета за притисок. Таа побара странските амбасади и ЕУ, како и европската обвинителка Лаура Ковеси да помогнат, но тие одлучија да не се мешаат, и соопштија дека случајот треба да го решат надлежните институции. Инаку, Муареми поднесе кривични против Русковска, и обвинителките Ивана Трајчева и Елизабета Јосифоска.Можеби ќе ве интересира
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
ДСЗИ бара комисија за стручен надзор - таа ќе утврдува дали има пропусти во третманот и лекувањето на бебето
Кузеска: Фирма со тројца вработени за два месеци добила тендери од 1,2 милиони евра
Воздухот и понатаму е загаден, ама барем сега имаме подобар сајт да го гледаме
„Дали институциите ќе реагираат навреме или ќе чекаат трагедија“: Левица со остра реакција за „Зимзоленд“ и за новиот директор на Зоолошка градина
ДКСК: 35 поранешни и 19 новоизбрани градоначалници не ја пријавиле имотната состојба
Љупчо Пецов Ѓаволот пуштен во домашен притвор по апсењето на Стафа, имал нарушено здравје
ВИДЕО: Лути патници пцуеле и навредувале возач на ЈСП, затоа што автобусот го чекале еден час и се расипал
