Каде наврна најмногу дожд денеска?
Објавено во: Македонија 04 Мај, 2018
Најмногу дожд денеска падна во Маврово, Претор, Лазарополе и Виница.
Попладне во југозападните делови имаше нестабилна облачност проследена со пороен дожд и грмежи. Подоцна нестабилноста се прошири и во северозападните, како и во североисточните делови од земјата. Дуваше умерен ветер од јужен и југоисточен правец, кој во Штип достигнуваше брзина до 45 километри на час.
Во вечерните часови во западните делови сè уште ќе има локални врнежи од дожд, а во југоисточните ќе има услови за развој на нестабилна облачност со локален дожд и грмежи.