Катлановска бања нема да прима пациенти
Објавено во: Македонија 02 Мај, 2018 15:16
Државниот санитарен и здравствен инспекторат (ДСЗИ) времено забрани Катлановска бања да прима нови пациенти, откако инспекторите утврдија дека бањата не покажала дозвола за вршење здравствена дејност издадена од Министерството за здравство, а пациентите ги прегледувале тројца лекари од странство без лиценци за работа.
Вонредната контрола била направена во саботата, откако родител на дете со церебрална парализа пријавил дека лица кои не се вработени во институцијата, таму вршат неовластени и сомнителни прегледи.
– Тројцата доктори, затекнати при инспекцискиот надзор, немаа дозвола од Министерството за здравство, ниту лиценци издадени од Лекарската комора. Инспекторите на увид побарале правниот субјект да им даде дозвола за вршење на здравствена дејност, но тој документ не бил даден. Поради тоа е донесено решение за забрана за вршење на здравствена дејност се додека не го достават тој докумет – рече Ирина Бухова Сотировска, директорка на ДЗСИ.
Пациентите кои во моментов се таму можат да останат додека да им заврши лекувањето.
Лекарите кои прегледувале без лиценца се анестезиолог, дефектолог и ортопед, по потекло од Косово и од една подалечна земја која засега не се открива.
Во бањата биле утврдени и други неправилности, но како што објасни директорката на ДСЗИ, не биле нотирани бидејќи правниот субјект нема дозвола. Работата на оваа институција ја испитува и Финансиска полиција.
Сопствениците на бањата засега не ги коментираат наодите на ДСЗИ.
Можеби ќе ве интересира
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
ДСЗИ бара комисија за стручен надзор - таа ќе утврдува дали има пропусти во третманот и лекувањето на бебето
Кузеска: Фирма со тројца вработени за два месеци добила тендери од 1,2 милиони евра
Воздухот и понатаму е загаден, ама барем сега имаме подобар сајт да го гледаме
„Дали институциите ќе реагираат навреме или ќе чекаат трагедија“: Левица со остра реакција за „Зимзоленд“ и за новиот директор на Зоолошка градина
ДКСК: 35 поранешни и 19 новоизбрани градоначалници не ја пријавиле имотната состојба
Љупчо Пецов Ѓаволот пуштен во домашен притвор по апсењето на Стафа, имал нарушено здравје
ВИДЕО: Лути патници пцуеле и навредувале возач на ЈСП, затоа што автобусот го чекале еден час и се расипал
