ЌЕ ИМА ЛИ ПРАВДА: Мотоциклистот што го прегази Урко им подлегна на повредите

Добивај вести на Viber

22-годишното момче Стојанчо Андонов, роден 1994 година кое пред пет дена беше тешко повредено во сообраќајна незгода кај Рампа , утрово им подлегнало на повредите.

Момчето не издржа после неколку дена дишејќи на апарати и во кома, утрово починало.

Имено на 26 јули, 30 минути по полноќ се случи сообраќајна незгода помеѓу ПМВ „БМВ“ со скопски регистарски ознаки, управувано од М.Д.(43) од Скопје и моторцикл Хонда ЦБР без регистарски ознаки, управуван од С.А. (22) од Скопје.

Возачот на автомобилот се востанови дека е поранешниот телохранител на екс премиерот  Дејан Митревски Урко.

„На 27 јули 2016 година, во 00.40 часот во Скопје, на булевар Борис Трајковски, се случила сообраќајна незгода помеѓу патничко моторно возило „бмв“ со скопски регистарски ознаки, управувано од М.Д. (43) од Скопје и мотоцикл „хонда цбр“ без регистарски ознаки, управуван од С.А. (22) од Скопје. Во незгодата, тешки телесни повреди добил возачот на мотоциклот, кој со возило на итна медицинска помош бил префрлен во Градска општа болница „Наум Охридски“. Истиот е неконтактибилен и се наоѓа во животна опасност. Увид извршила екипа на СВР Скопје“, стои во белешката за случајот во денешниот билтен на МВР.

На возилата им се врши вонреден технички преглед, а одделот за крим - техника  ги анализира примероците со крвта од момчето и од Урко.

Според првичните информации, Митровски направил прекршок поминувајќи на две полни линии во моментот кога го удрил моторциклистот.