Кинеа слета на спротивната (темна) страна од Месечината

Добивај вести на Viber

Кина објави дека нејзиното беспилотно летало успешно слетало на спротивната , односно далечната страна на Месечината - неистражено место на кое речиси никој не се обидува да оди.

Chang'e 6 слета во басенот на Јужниот Пол-Ајткен во 06:23 часот по Пекинг време во неделата наутро, објави кинеската Национална вселенска администрација (CNSA).

Мисијата е лансирана на 3 мај, а целта е за прв пат во историјата да се соберат минерали од овој регион.

Сондата би можела да извади некои од најстарите карпи на Месечината од џиновски кратер кој се наоѓа на нејзиниот Јужен пол.

Слетувањето беше полно со ризик, бидејќи е многу тешко да се комуницира со вселенски летала штом ќе стигнат до далечната страна на Месечината. Кина е единствената земја што веќе го постигна овој подвиг, приземјувајќи го својот Chang'e-4 во 2019 година.

По лансирањето од Центарот за вселенско лансирање Венчанг, леталото Chang'e 6 кружеше околу Месечината чекајќи да слета.

Компонентата на лендерот на мисијата потоа се одвои од орбитерот за да ја допре страната на Месечината трајно свртена подалеку од Земјата.

За време на спуштањето, се користеше автономен систем за визуелно избегнување пречки за автоматско откривање на пречките, со камера со видлива светлина која избира релативно безбедна област за слетување врз основа на светлината и темнината на површината на Месечината, државната новинска агенција Ксинхуа ја цитираше CNSA велејќи.

Лендерот лебдеше на околу 100 метри над безбедното слетување и користеше ласерски 3D скенер пред бавното вертикално спуштање.

Операцијата беше поддржана од релејниот сателит Queqiao-2, соопшти CNSA. Кинеските државни медиуми успешното слетување го опишаа како „историски момент“.

Се очекува лендерот да потроши до три дена собирајќи материјали од површината во операција за која CNSA рече дека ќе вклучи „многу инженерски иновации, високи ризици и големи тешкотии“.

Пристапот до вода значително би ги зголемил шансите за успешно воспоставување човечка база на Месечината за научни истражувања.

Доколку мисијата биде успешна, леталото ќе се врати на Земјата со минералните примероци во посебна капсула за враќање