КОЈ ЌЕ ОДИ ВО СТРАНСТВО, ТАМУ ДА ОСТАНЕ ТРИ МЕСЕЦИ - можна е и ваква владина мерка

Добивај вести на Viber

Ако граѓаните од земјава продолжат да се однесуваат неодговорно и да патуваат надвор од државава, Владата ќе размисли да ги натера да потпишат изјава дека потоа нема да се вратат овде во следните три месеци.

Ова е еден од бројните заклучоци од вчершаната владина седница, за која оттаму информираа преку соопштение.

„На седницата на Владата да се разгледа можноста и Владата да заземе став во однос на тоа секое лице кое ги напушта границите на Република Северна Македонија, да потпише лична изјава со која ќе се обврзе во наредните три месеци да не се врати назад во Република Северна Македонија“, стои во владиното соопштение.

А доказ за тоа дека на некои гражани во земјава не може да им се докаже дека ситуацјата е навистина сериозна и дека не треба да патуваат, е и вчерашниот пост на министерот за надворешни работи Никола Димитров., кој наведе дека од понеделникот напладне па до утрото во вторникот, вкупно 1.331 лице заминале од земјава.

„Имам чувство дека ситуацијата е недоволно јасна во регионот, Европа и во светот. Не сакам да навлегувам воопшто во мотивите за патувањата кои можеби биле непоходни но сепак морам да предупредам на ситуацијата која е алармантна“, напиша шефот на дипломатијта.