Комерцијална банка во акција за Денот на гладот

Добивај вести на Viber

Вработените во Комерцијална банка АД Скопје во соработка со Македонска платформа против сиромаштија, во која членуваат 91 невладина организација, доставија донација во храна до поголем број социјално загрозени семејства. Во акцијата за донирање храна, што ја спроведоа вработените од Комерцијална банка АД Скопје, во Скопје и низ републиката, беа собрани голем број пакети со храна. Донацијата на Комерцијална банка ќе ја добијат поголем број социјално загрозени семејства со различна националност, и тоа од Скопје, Берово, Ресен, Струмица, Велес, Битола, делчево и др. Дел од семејствата се приматели на социјална помош, но на дел од семејствата социјалната помош им е укината заради ненавремено поднесување на документи, заради недостаток на средства. Сите членови на семејствата се невработени, со по најмалку 5 члена во семејствата,  живеат во недостоинствени услови за живот без вода, без струја, а децата не им се вклучени во образовниот систем.  Слични активности беа спроведени од вработените во филијалите и експозитурите низ Републиката каде донациите во храна беа предадени на организациите на Црвен крст на РМ, центрите за социјална работа, народните кујни и организациите на жени, за да биде поделена на оние на кои им е најпотребна. Вработените во Комерцијална банка АД Скопје повеќе години наназад со вакви и слични акции го  негуваат  чувството на солидарност и им даваат подршка на реанливите групи граѓани во остварување на своите права за достоинствен живот, со надеж дека барем во мал дел ќе помогнат за подобрување на секојдневието на овие граѓани.