„Космос“ ќе продолжи да се гради како голем универзитетски центар

Добивај вести на Viber

Универзитетот ФОН денеска прослави 12 години од своето постоење. На денешната свечена академија одржана по тој повод претседателот на УО Сефер Цаноски најави неколку новини меѓу кои заеднички студии со Политехнико ди Милано, неколку универзитети од Р.Турција, нови факултети од областа на оштествени и природни науки  за додипломски и последипломски студии. Зборувајќи за високото образование во Македонија и регионот Цаноски најави неколку новини меѓу кои заеднички студии со Политехнико ди Милано, неколку универзитети од Р.Турција, нови факултети од областа на оштествени и природни науки  за додипломски и последипломски студии. “Македонија е мала земја без излез на море, слаба инфраструктура и голема невработеност. Единственото поле за битка кое го имаме со останатите земји кои се повисоко рангирани се младите умови. За нас единствена опција е да инвестираме во интелектуален капацитет, вложување во иновација и да ги стимулираме квалитетот“, вели Цаноски. Цаноски истакна и дека ќе продолжат активностите за изградба на Космос, но дека комплексот ќе добие пренамена. „Станбениот центар Космос ќе биде преструктуриран во Универзитетски град и ќе биде изграден како футуристичка архитектонска целина чија цел ќе биде за прв пат во Македонија да етаблира студентски кварт во главниот град за повеќе од 3000 студенти.  Во рамките на комплексот ќе бидат понудени најквалитени услуги за студените, простор за дообука, рекреација и иновација“ изјави Цаноски. ФОН во изминатите 12 години прерасна во еден од најголемите приватни универзитети на Балканот со повеќе од 7000 студенти на четири депанданси во Скопје, Струга, Струмица и Гостивар.  Универзитетот стипендираше повеќе од 2000 млади луѓе за прв и втор циклус на студии кои денес прераснаа во вистински професионалци во својата професија.