КОЅИЈАС ПО СОСТАНОКОТ СО ДИМИТРОВ: Мислам дека забавата наскоро ќе почне!
Објавено во: Македонија 05 Мај, 2018
Министрите за надворешни работи на Македонија и Грција Никола Димитров и Никос Коѕијас на заедничката конференција после состанокот во Солун потврдија дека е постигнат напредок во некои прашања.
Одговарајќи на прашањето колку напредокот е значаен Коѕијас вели: „Тоа да се случеше не би биле овде, туку би организирале забава, а мислам дека ќе ја имаме и дека тоа ќе биде најрадосниот момент за мене“.
Коѕијас мисли дека како што поминува времето македонската страна верува дека е крајно време ова прашање да се реши.
„И на двете страни им е јасно дека не смеат да гледаат краткорочно, мораме да се фоксуираме на значењето на проблемот. Англичаните велат дека ако се променат играчите и играта се менува, а двете страни сѐ повеќе сфаќаат дека нашиот голем геостратешки проблем не е во односите меѓу нас. Сите созреваме низ преговорите, и не само јас, туку и другата страна, се надевеме дека некој нема да биде разочаран. Сега треба да се донесе компромис , мислам дека луѓето се со добра волја и дека може да демонстрираат политичко водство“, рекол Коѕијас.