КРАЈ НА ЕДНА ЕРА: BlackBerry веќе нема да произведува смартфони

Добивај вести на Viber

BlackBerry тукошто стави крај на една ера во историјата на новите технологии.

Канадската компанија објави дека сопира со производството на своите добро препознатливи телефони, карактеристични со својот дизајн.

За време на презентацијата на тримесечните резултати од раководството на фирмата потврдија дека сите наредни идни проекти ќе бидат доделени на надворешни производители.

Некогашниот лидер на пазарот на мобилни телефони, BlackBerry го изгуби својот сјај при појавата на iPhone и подоцнежниот интерес за смартфоните, па така корпорацијата никогаш не успеа да се врати на претходниот успех.

Пред некое време извршниот директор на BlackBerry, Џон Чен изјави: „Ако до септември не најдеме начин да се вратиме повторно кон профит, тогаш ќе треба сериозно да размислиме дали да не се претвориме во целост во софтверска компанија“.

Денес стана јасно дека токму тоа ќе се случи. При претставувањето на финансиските резултати Чен изјави: „Ќе се фокусираме на развојот на софтвер, вклучувајќи и на апликации. Компанијата планира да го прекине секакви хардверски развои, откако оваа функција ќе се преземе од надворешни партнери. Ова ќе ни овозможи да ги редуцираме трошоците и да обезбеди поголем поврат на вложениот капитал“.

За последниот квартал нето загубата на BlackBerry достигна 372 милиони долари, откако 147 милиони долари биле насочени за реорганизација. Година порано производителот беше со добивка од 51 милиони долари при приходи од 490 милиони долари.