Крај на турканиците во ЈСП: Утре ќе се промовира нов систем за наплата

Добивај вести на Viber

Во април беше соопштен новитет во автобусите на ЈСП кој ќе биде официјално промовиран утре.

Скопје ќе добие посовремен начин на превоз, а граѓаните ќе се возат со нови електронски билети.

Се работи за промовирање на  проектот за воведување систем за автоматска локација на возила и систем за електронска наплата во автобусите на јавниот градски превоз.

Надлежните очекуваат со новиот електронски систем да се подобри квалитетот на превозот, ќе се намалат клучните проблеми со наплатата-турканиците, а и ќе се контролира движењето на автобусите.

[button color="orange" size="medium" link="http://faktor.mk/2015/04/07/noviteti-od-septemvri-vo-jsp-ke-se-naplaka-so-elektronski-sistem/" target="blank" ] НОВИТЕТИ: Од септември во ЈСП ќе се наплаќа со електронски систем[/button]

Електорнскиот систем за наплата ќе биде инсталиран во 500 автобуси, од кои 384 автобуси на ЈСП- Скопје, а 116 на приватни превозници,  и граѓаните ќе можат еден билет да користат за возење во автобусите и на приватните превозници и на ЈСП.

Наплатата на почеток ќе функционира согласно со постојниот тарифен систем, но во иднина постепено ќе се премине на нов тарифен систем.

Она што би го издвоиле од овој нов проект кој според најавите би требало официјално да стартува од септември е воведувањето на еден билет кој ќе важи и во автобусите на ЈСП и кај приватните превозници а воведувањето на овој систем ќе им овозможува на граѓаните плаќањето да го направат со мобилен телефон, во готово, со  кредитна картичка и со смарт картичка.

За реализација на овој проект Градот Скопје ќе издвои околу 3 милиони евра, а се очекува Системот да почне да функционира во месец септември- истакна при инсталирањето на проектот градоначалникот Трајановски.