КУЦАЊЕТО ПОРАКИ ЌЕ БИДЕ МИНАТО: А како ќе се пишуваат?

Добивај вести на Viber

Како да управувањето со мобилен глас не е доволно необично, од Мајкрософт најавуваат технологија со помош на која наскоро уредите ќе ги управуваме со поглед.

Новиот патент со кој Мајкрософт привлекува внимание отвара бројни и навистина интересни можности.

Многумина корисници класичната тастатура на допир на своите паметни телефони веќе ја замениле со онаа на која е можно да се пишува со повлекување на еден прст по екранот (таканаречено  swype), а судејќи според овој патент за тоа наскоро веќе воопшто нема да мора да користиме ни прсти.

Патентот функционира така што предната камера на телефонот ги следи движењата на корисничкото око и ги преведува во наредба на телефонот. Слична технологија веќе ни е позната со новите паметни телефони на кои со поглед може да го паузираме видеото кое досега го гледавме, или пак да го одложиме преминувањето на екранот во состојба на мирување.

Оваа технологија првенствено би можела да го олесни животот на оние корисници кои поради здравствени потешкотии имаат проблеми со пишувањето на пораки, меѓутоа, ако Мајкрософт успее да ја развие оваа технологија така да не биде битно побавна од куцкањето на допир какви моментално користиме, куцкањето на поглед би можело да стане нов стандард.

Собирањето на сите погледи од почетокот на внесот до сигналот дека внесот е авршен и истовремено обработка на сите примери на поглед, зборови или реченици на екранот би можеле да испишуваат одеднаш. Тоа на корисникот би можело да му го забрза внесот на текст - опишано е во патентот.