Lyoness со помош за шест семејства жртви на минатомесечните поплави во Скопје

Добивај вести на Viber

Lyoness “Child & Famiy” фондацијата, а во соработка со Lyoness Македонија започна со реализација на опширен филантропски проект за помош на точно шест скопски семејства – чии домови беа уништени од разорните поплави во периодот од изминатиот месец.

Со единствена цел обезбедување на услови овие погодени семејства што побрзо да успеат да го вратат својот живот во нормала, фондацијата  обезбеди одреден износ на средства за купување на нови електронски апарати за домаќинството (шпорети, фрижидери, машини за перење и друго) – како апарати кои претходно беа утврдени како потребни за засегнатите семејства.

Првото семејство кое својата долго очекувана помош во вид на апарати за домаќинство –  веќе и ја користи е семејството Стевковски од с. Стајковци.  Токму ова трочлено семејство – во своите најтешки моменти – го почувствува вистинското значење на корпоративната филантропија која ја споделува Lyoness, а тоа е: активирање на човечки ресурси и средства за помош на оние помалку среќни луѓе на кои помошта им е најдобредојдена.

Согласно текот на превземените активности, останатите фази за комлетна реализација на започнатата хуманитарна активност за помош на уште пет скопски семејства чии домови беа оштетени од минатомесечните поплави во Скопје, ќе бидат завршени во периодот од следните недели.