Добивај вести на Viber
Се повеќе Македонци се одлучуваат да заминат на работа во Малта, во потрага по подобар живот и обезбедување на егзистенција.
Во Малта заминуваат како туристи, а откако ќе најдат работа остануваат подолго време. Работа полесно може да се најде преку лето, со македонски или пасош од евопска земја.
Искуствата се различни, дел успеале да се снајдат и добро да заработуваат, а дел се разочарани затоа што македонскиот работник таму напорно работи, а неговиот труд е слабо платен.
„Тука сум три месеци и моето искуство не е многу убаво. За нас Македонците има работа како собарки, шанкери, келнери, градежници, чистачи. Тоа што не работат Малтежаните, тоа го работиме ние. Дипломите не се признаваат, а платите се 800 евра. Немаме некои права како работници, се работи многу“-вели младата А.Ѓ. од Скопје, која работи во градот Бугиба.
Во истиот град веќе еден месец е и Виктор Ј. од Скопје, кој се уште не вработен.
„Не дојдов првенствено за работа, но од тоа што го гледам Македонците тешко се вработуваат ако немаат бугарски пасош. Ќе видам што ќе направам следната недела иако е тешко без европски пасош. Плановите ми се да го фатам летото, ако не работам барем одмор да истерам. Може да се работи било што, но ако документите се преведени, ако не чистач, мијач на садови, градежништво. Се плаќа по 4.5 евра од час, па нагоре. Македонци има премногу, но претежно работат како чистачи или по кафулиња„-рече тој.
Ова младо момче е задоволно од начинот на живот во Малта, затоа што како што вели цените се исти како кај нас, а платите се повисоки.