Маврово дел од кајакарската тура на словенечкиот олимписки спортист Рок Розман!
Објавено во: Мои пари 22 Март, 2016
Постојат многу приказни за Балканот, но има една која навистина вреди да се раскажува. Приказната за реките на Балканот. Да! Најскапоцените реки во Европа може да се пронајдат помеѓу Словенија и Албанија. Кристално јасни потоци, диви реки со пространи речни брегови со чакал, спектакуларни водопади и недопрени шуми - реки полни со див живот. Синото срце на Европа чука на Балканскиот Полуостров!
Предводени од словенечкиот олимписки спортист Рок Розман, кајакари од цела Европа ќе ги пробаат своите весла во 16 реки во 6 балкански земји, почнувајќи од Сава во Словенија на 16 април, а завршувајќи со Вјоса во Албанија на 20 мај под слоганот "Да ги зачуваме балканските реки!". На овој начин, кајакарите сакаат да се подигне свеста за убавината на реките и заканите со кои тие се соочуваат. На 4ти и 5ти мај дел од кајакарската тура ќе биде и Националниот парк „Маврово“ во Македонија. Националниот парк "Маврово" во Македонија е еден од најстарите национални паркови во Европа. Тој е познат по неговите брзи, недопрени реки и потоци кои ги снабдуваат со вода пространите букови шуми, а извираат високо во планините каде формираат преубави и значајни високопланински влажни станишта. Овие реки се соединуваат за да ги формираат небесно сините води на реката Радика. Долината на Радика е една од најатрактивните и најживописните кањонски долини во Македонија.
Повеќе информации за настанот и контакт: http://www.balkanriverstour.com/ Leeway Collective: RokRozman rok@leeway-collective.com Riverwatch: Cornelia Wieser cornelia.wieser@riverwatch.eu EuroNatur: Katharina Grund katharina.grund@euronatur.org
Програма „Турнеја по балканските реки“
Турнејата по балканските реки е дел од кампањата Да го зачуваме Синото срце на Европа, координирана од страна на меѓународните невладини организации EuroNatur и Riverwatch. Турнејата е организирана во соработка со EuroNatur, Riverwatch, Leeway Collective и WWF Adria, а поддржана е од Patagonia, Manfred-Hermsen-Stiftung и фондацијата MAVA.
Можеби ќе ве интересира
Денеска се одржа 8. издание на „Халк Еко Скопје Трча 10км“ 1650 учесници застанаа на старната линија
БРАКО ЌЕ ПРОМОВИРА НОВО ЕЛЕКТРИЧНО ВОЗИЛО НА САЕМ ВО МИНХЕН
Реализирани 200 бесплатни дермоскопски прегледи на бенки со Mole mah HD
НАЈПОСАКУВАНИОТ СУПЕР МИЛИОНЕР ВРЕДЕН СКОРО 21 МИЛИОН ДЕНАРИ ГО ОСВОИ ИГРАЧ НА ВЛТ ВО ТЕТОВО
Халкбанк и Литера: Заедно за културен процут и креативна инспирација
„АЏИБАДЕМ СИСТИНА“ ДОДЕЛИ БЛАГОДАРНИЦИ И НАГРАДИ ЗА НАЈХУМАНИТЕ МЕДИЦИНСКИ СЕСТРИ
Истражување од Шведска: Високата употреба на никотин не е клучен фактор во развојот на болести поврзани со пушењето
А1 Македонија ја дополнува понудата со услуги за помош во домот во соработка со „ORYX Assistance“
