МИЛЧО МАНЧЕВСКИ СО СВОЈА ПОРАКА ЗА ЗАГУБИТЕ НА МАКЕДОНСКАТА ЕКОНОМИЈА – видео обраќање на познатиот режисер
Објавено во: Македонија 09 Јуни, 2022
Насловот на видео пораката од нашиот познат филмски режисер и сценарист Милчо Манчевски е „Непотизам и економија“.
Видеото е снимено специјално за меѓународната конференција „Скопски економски и финансиски форум - СЕФФ“ (Skopje Economic and Finance Forum (SEFF).
Манчевски во обраќањето се осврнува на македонската економија и загубите кои настануваат во општеството поради одливот на мозоци од земјава.
Низ интересна споредба со американската економија и загубите кои најсилната економија во светот ги имала при претходната голема економска криза, Манчевски успева да поентира укажувајќи на маните на нашето општество. Тој се осврнува на штетата која настанува во државата поради загубата на луѓето кои ја напуштат нашата земја и заминуваат на работа или целосно се иселуваат во некои од развиените земји.
Фото: Принтскрин / Јутуб