Мирен протест пред Влада, оддадена почит на загинатите полициски припадници!

Добивај вести на Viber

Група граѓани пак се собраа вечерва на мирни демонстрации пред зградата на владата.

"Целта е да оддадеме почит на оние кои трагично ги загубија животите во Куманово и да повикаме на одговорност. Во таков жалосен момент ги советуваме граѓаните да делуваат согласно своите традиции. Бидејќи тоа е ден на жалост, повикуваме за мирно и достоинствено собирање. Борбата расте, борбата се проширува! Секој ден во 18", повикаа пред акцијата организаторите, обединети во граѓанско движење" Протестирам ".

Тие апелираа до сите граѓани на Македонија кои не можат веќе да ја трпат неправдата, сиромаштијата и манипулациите на власта, да се приклучат на непартиско и автентично граѓанско движење за правда и мир.

"Ние веќе не чувствуваме страв, туку само одвратност од авторитарно управување! Ние сакаме мир и праведност, а тоа може да се случи само ако тие си заминат! Веднаш! Токму затоа, нашите барања се: итна оставка и одрекување на целота влада итно ослободување на сите активисти приведени од 5 мај наваму, како и демократизација на институциите ", инсистира движењето, кое веќе има своја страница на Facebook.

Протестот е против премиерот Никола Груевски. Луѓето се "кренаа" против него по објавувањето на снимки на кои тој разговара со министерот за внатрешни работи Јанкуловска како да се прикрие убиството на Мартин Нешковски.

(Фото:Либертас)