Добивај вести на Viber
Мистериозната 24-годишна девојка од Хонг Конг Перена Кеи е најмладата милијардерка на светот, но никој не знае речиси ништо за неа. На листата на млади милијардери на Форбс, Кеи го надмина коосновачот на Фејсбук Дастин Московиц.
Кеи е наследничка на својот татко Џи Хаипенг, претседател на управата и извршен директор на бизнис-империјата Логан Проперти Холдинг, а и сама извршува директорска функција во компанијата. Се проценува дека нејзиното вкупно богатство изнесува 1,3 милијарди американски долари, но на интернет не може да се најде ниту една нејзина фотографија.
И податоците од нејзината биографија се оскудни, а според одредени информации, Кеи посетувала универзитет во Лондон, каде што се стекнала со диплома за економија и финансии.