НА ШТО СЕ ДОЛЖИ ОВА: Корисниците се помалку заинтересирани за Фејсбук?

Добивај вести на Viber

Иако не може да се говори за тоа дека стигнал крајот на ерата на Фејсбук, секако за оваа социјална мрежа опаѓањето на популарноста не е добар знак. Иако Фејсбук во овој момент доминира на пазарот на социјалните медиуми, како на декстоп така и на мобилните платформи, најновата студија откирва дека многу луѓе во Америка и Велика Британија се помалку ја користат мрежата. Ова е посебно забележано кај тинејџерската популација. Според анализите на компанијата  GlobalWebIndex, околу 50 одсто од корисниците истакнале дека се намалила нивната зачестеност на Фејсбук. Овој број се зголемува на 64 одсто, кога се погледне демографијата на корисниците помеѓу 16 и 19 години. Од овој број, 54 одсто тинејџери истакнале дека нивното интересирање едноставно се изгубило, и дека нема премногу причини често да се проверува Фејсбук.

Иако се работи за интересни истражувања, Фејсбук уште нема причина за загриженост. Последниот извештај покажува дека оваа социјална мрежа има 1,3 милијарди активни корисници ширум светот, што ги сочинува 80 одсто од глобалните Интернет корисници. Исто така, околу 500 милиони корисници употребуваат Фејсбук месинџер мобилната апликација. Фејсбук тестира и други проекти (како што е Роомс апликацијата), со желба да се избегне дисипација на корисниците.