НИВОТО НА ДУНАВ ДОСТИГНА 10 МЕТРИ: Прогласена е вонредна состојба во Долна Баварија
Објавено во: Свет 04 Јуни, 2024
Градот Пасау во Долна Баварија денеска прогласи вонредна состојба, а нивото на реката Дунав достигна 10 метри. Многу улици и плоштади во Пасау веќе се затворени поради поплави, додека училиштата ја откажаа наставата.
Се очекува реката Ин да достигне ниво од повеќе од седум метри, поради обилните врнежи од дожд кои вчера ја зафатија областа.
Врските со стариот град денеска се целосно прекинати, додава Билд.
Во Пасау се среќаваат трите реки Дунав, Ин и Илц. Состојбата со поплавите во Баварија станува сѐ посериозна.
Според последните информации, најмалку пет луѓе загинале во поплавите. Вакви поплави се случуваат еднаш во сто години.
Невреме деновиве имаше и во Хрватска и Србија.