Опозицијата именуваше нови портпароли
Објавено во: Македонија 03 Мај, 2018
Наместо еден, ВМРО ДПМНЕ реши да има двајца портпароли.
Наум Стоилковски и Димче Арсовски се имињата кои ќе бидат известувачи на јавноста во име на најголемата опозициска партија.
Двајцата се избрани по одлука на партијата на вчерашен состанок каде се разгледува и кадровски прашања.
Наум Стоилковски е новинар кој доаѓа од ТВ Нова, која се наоѓа пред затворање. Тој во јавноста е познат како голем критичар на актуелната власт и поддржувач на опозицијата.
Димче Арсовски одржуваше прес-конференции во партиското седиште а до неодамна го претставуваше и подмладокот на партијата.