Осигурување на имот – Зошто е поважно од било кога?

Добивај вести на Viber

Со последните природни катастрофи кои ги зафатија делови од Европа, потребата за осигурување на имот стана итна и неопходна. Поплавите кои ги погодија Германија, Белгија, и делови од Централна Европа, уништија илјадници домови, фабрики и земјоделски површини, оставајќи ги луѓето без ништо. Оние што не поседувале осигурување за поплави останале со огромни долгови и без средства за обновување на своите имоти

Еден од најтрагичните примери е поплавата во Аренската долина во Германија, каде што штетите достигнале над 30 милијарди евра. Од оваа сума, само 8.5 милијарди евра биле покриени од осигурување, што значи дека илјадници домаќинства и компании останале со ненадоместени загуби. Оние кои немале осигурување се соочиле со големи финансиски тешкотии и зависеле од државната помош, која за жал, често не е доволна за целосно обновување на имотите

Климатските промени се главен фактор за зголемување на екстремните временски услови, како што се луњите, поплавите, големите свлечишта и замјотреси, кои сè почесто ја зафаќаат не само Европа, туку и целиот свет. Поради ова, осигурувањето на имот стана витално средство за заштита од непредвидливи катастрофи. Имотите, како домови, деловни објекти, земјоделски фарми, поседи и други ресурси, се под постојана закана од вакви настани, а трошоците за поправка и обновување можат да бидат астрономски.
Што е поважно, осигурувањето на имот чини многу малку во споредба со потенцијалните загуби што можат да настанат. Во Македонија, каде што исто така постојат ризици од пожари, поплави, земјотреси и други катастрофи, инвестирањето во осигурување на имот е многу разумен чекор за заштита на домот и имотот. За одреден годишен износ, може да се има осигурување од големи финансиски загуби и да се добие поддршка за обновување во случај на несреќа.

Без разлика дали се работи за природна катастрофа во Европа или потенцијален ризик во Македонија, осигурувањето на имот е заштита која не треба да се занемари. Со мали инвестиции денес, човек е подготвен за непредвидливоста на утрешнината.