OСМАНИ: Погрешна е стратегијата за минирање на уставните измени
Објавено во: Македонија 24 Октомври, 2024
Поранешниот министер за надворешни работи, Бујар Османи во „Само интервју“ на Канал 5 вечерва изјави дека во процесот на преговори со ЕУ, не е само Бугарија, туку може и друга земја да блокира.
„Било која земја може утре да каже „сакаме процесот да оди поспоро“. Но, ние не можеме да прејудицираме и да се плашиме“, рече Османи.
Вели дека погрешна е стратегијата за минирање на уставните измени. Османи кажа дека Договорот за добрососедство стоел како обврска во преговарачката рамка и претходно.