ОВИЕ АМЕРИКАНЦИ НЕ МОЖАТ ДА СЕ ПЕНЗИОНИРААТ - работат најобични работи, но од останувањето на работа им зависи опстанокот
Објавено во: Економија 02 Април, 2024 11:12
„Запознајте ги Американците кои не можат да се пензионираат“, гласи насловот на Business Insider, а ако на почетокот мислевте дека се работи за луѓе кои работат во јавниот сектор, се лажете. Тоа се луѓе кои ги работат најобичните работи, но нивниот опстанок зависи од тоа да останат на работа.
Марсија има 70 години и сè уште работи во човечки ресурси за една компанија со средна големина.
- Колку и да ја сакам работата и она што го работам, во најтемните моменти мислам дека ќе умрам на работа. Ќе умрам во оваа канцеларија бидејќи немам каде да одам, вели таа.
За неа работата претставува достоинство и финансиски спас. Таа е далеку од семејството и нема кој да и помогне, ниту други приходи на кои може да се потпре.
Клучната причина поради која не може да се пензионира се нејзините медицински сметки, кои не би можела да си ги дозволи доколку не работи. Најпрвин нејзиниот сопруг се разболел од рак и починал пред две години, а сега и нејзе и е дијагностициран.
- Се надевав дека јас и мојот сопруг ќе се пензионираме заедно. И мислам дека мојата најголема погрешна проценка беше тоа што не планирав да бидам сама финансиски и емотивно – додава таа.
Марсија е само една од многуте Американци кои сонот за уживање во плодовите на повеќедецениската работа го замениле со потребата за уште повеќе работа.
На пример, Бил (71) сè уште работи иако се пензионираше пред две години. Тој мораше да се враќа на работа 32 часа неделно со цел да може да го потпомогне својот пензиски фонд. Седумдесетгодишната Дебра моментално бара нова работа, откако работела 50 години во на едно место каде што не била секогаш пријавена.
- Се плашам да ја напуштам куќата. Не можам да купам храна, гориво. Можам само да ги платам сметките и толку – појасни таа.
Кај Американците на возраст од 65 години и постари, 19 отсто сè уште работеле минатата година, што е речиси двојно повеќе од крајот на 1980-тите.
Минатата година просечната возраст за пензионирање беше 62 години, според истражувањето на Галуп, што е повеќе од 59 години во раните 2000-ти.
(Блиц, Телеграф, Бизнис инсајдер)
Можеби ќе ве интересира
ТРИ КИЛОМЕТРИ МОРЕ, ВРЕДНО МИЛИЈАРДИ: Дали Иран е подготвен да и зададе удар на целата планета?
МАКЕДОНИЈА ГО ПРЕЗЕМА ПРЕТСЕДАВАЊЕТО СО ЦЕФ: Димитриеска Кочоска се сретна со Вуковиќ
ФОТО: НИКОЛОСКИ И ТРАЈАНОВСКИ ВО АКЦИЈА: Беа во увид на патот Кичево-Охрид, најавија пуштање во употреба на делницата кај Подмоље вечерва
ДИМИТРИЕСКА КОЧОСКА Е ПОБОРНИК ЗА ЛИНЕАРНО ЗГОЛЕМУВАЊЕ НА ПЕНЗИИТЕ: Во септември доаѓа ново покачување
„ВЕЌЕ ПЛАЌАМЕ КАМАТИ ЗА УНГАРСКИОТ КРЕДИТ ОД КОЈ НЕМАМЕ ДОБИЕНО НИШТО“: Костадинов вели цената е веќе кажана - 2 милијарди евра!
ПРВАТА ПРОДАВНИЦА ЌЕ СЕ ОТВОРИ ВО СКОПЈЕ? Познатиот дански синџир на продавници Flying Tiger доаѓа на Балканот, ќе отворат 400 работни места!
ВОДИЧ ЗА ЛЕТУВАЊЕ ВО АЛБАНИЈА: Кои се цените, која рута да се избегне и колку чинат патарините?
ПЛАТА ОКОЛУ 812 ЕВРА: Колку Хрвати ја примаат оваа сума?
ПУТИН СЕ ПОФАЛИ: Русија е број еден во Европа по БДП и четврта во светот
