Добивај вести на Viber
Американската Управа за федерални резерви (ФЕД) непријатно ја изненади американската берза, намалувајќи ја прогнозата за економскиот раст на САД за оваа и следната година.
ФЕД очекува дека економијата во 2014 година ќе напредува за 2,8 до 3 проценти, а во 2015 од три до 3,2 проценти, што е за 0,2 проценти помалку во однос на претходните прогнози.
Дополнително, инвеститорите ги изненади и претседателката на ФЕД Џенет Јелен, која изјави дека централната банка, откако целосно ќе ја укине наесен програмата за откуп на обврзници, би можела во рок од шест месеци да ги зголеми клучните каматни стапки, што е порано отколку првичните очекувања.
Ова предизвика пад на вредноста на акциите на Волстрит вчера. Индексот Dow Jones ослабна 114 поени, или 0,70 отсто, на 16.222 поени, индексот S&P 500 падна за 0,61 отсто, на 1.860 поени, додека индексот Nasdaq беше во минус за 0,59 отсто, на 4.307 индексни поени.