ПОГРЕШНО ТОЛКУВАЊЕ: „Визер“ реагира дека никогаш не ветиле 300 вработувања!

Добивај вести на Viber

„Визер“ не ветил 300 вработувања во Македонија реагирале од  унгарската нискобуџетна компанија на текстот кој во вчера го објави „Вест“ во кој пишуваше дека оваа компанија во јуни 2012 година ветила 300, а вработила 50 лица, пишува денеска „Вест“.

„Компанијата, која од 2012 година до денеска добила државна помош од македонскиот буџет во висина од 3,7 милиони евра, појаснува дека станува збор за погрешно толкување на изјавата на потпретседателот на компанијата Џон Стивенсон, кој на прес-конференција во јуни 2012 година зборувал за„поддржани“ 300 вработувања, а не за „директни“ вработувања, како што тогаш објавија сите медиуми, како и Владата на Република Македонија, пишува „Вест“.

„Вест“ во објаснувањето од унгарскиот превозник пишува дека стои: „Визер“ потврдува дека со секој стациониран авион се отвораат до 36 директни нови работни места. „Визер“ има два стационирани авиона во Скопје, и моментално вработува 47 членови на екипажот, што значи има уште слободни работни места. 'Визер' годишно превезува над 600.000 патници преку Аеродромот во Скопје, двапати повеќе од бројката која се очекуваше кога беше најавена базата на авиокомпанијата во Скопје. Според методологијата прифатена од Меѓународниот совет на аеродроми, оваа бројка на патници поддржува 600 индиректни работни места во регионот на Аеродромот и во туризмот“, објасниле од „Визер“ за „Вест“.

„Вест“ напоменува дека и на Интернет страницата на Владата на Република Македонија истиот ден беше објавена информацијата со наслов„Визер“ најави 300 работни места, а наедно ги објави и цените на летовите“, додека објаснувањето на „Визер“ за ова недоразбирање е дека сите медиуми погрешно ја интерпретирале изјавата на нивниот потпретседател дадена пред две и пол години.

Повеќе прочитајте на овој линк Што доби Виз-Ер од македонската Влада?

(Извор: „Вест“)