Студијата објавена во научниот магазин "Plos one" се заснова врз примероците ДНК на речиси 2800 поларни мечки од просторите на кои живеат тие животни во САД, Канада, Русија, Норвешка и Гренланд.
Групите од канадскиот источен Арктик, источен Гренланд и Сибир преминуваат на канадскиот архипелаг познат како Арктички архипелаг каде има повеќе лед, покажала таа студија.
Миграцијата е воочена во текот на три последни генерации на тие грабливци, односно во последните 15 до 45 години, рекла авторката на студијата Елизабет Пикок.
Мечките мигрираат во подрачјето северно од Канада, близу до Нунавута и Северозападните територии. Тој регион се состои од 36000 острови и покрива повеќе од 1,4 милиони км2.
Канадскиот архипелаг би можел во иднина да послужи како подрачје на поларните мечки, се наведува во студијата.