ПОПЛАВИ ВО ЕВРОПА: Унгарија се подготвува за голем налет на Дунав
Објавено во: Свет 06 Јуни, 2024
Поплавени се делови од Европа, критично е во 4 држави, а Унгарија се подготвува за голем налет на Дунав.
Обилни дождови погодија делови од Германија и Италија, поради што на жителите на загрозените области им е препорачано да ги напуштат своите домови, а некои се водат како исчезнати. Бројот на жртви секојдневно расте, поплавите сега пристигнуваат во Австрија и Унгарија, поради нивото на реката Дунав кое расте. На удар на невремето е и Словенија, каде е организирана евакуација поради лизгање на земјиштето.
За делови од јужна Германија и понатаму е на сила предупредување за поплави, иако повеќе региони со денови се под вода. Постои голема опасност за два големи региони на Германија.
Регионот на Боденското Езеро е под ризик од поплави. Околу 1.300 луѓе во Баден-Виртемберг добиле предупредување за евакуација. Деновиве водостојот на Дунав во Германија беше 10 метри.
foto EPA