Позитивен резултат против Исланд за добар старт на У21 квалификациите за Евро 2017 во Полска
Објавено во: Македонија 04 Јуни, 2015
Младата фудбалска репрезентација и официјално на 11 јуни со гостување кај Исланд ги започнува квалификациите за Евро 2017. За настап на континенталниот шампионат во Полска, Македонија ќе се бори против Франција, Украина, Шкотска, Исланд и Северна Ирска. Интересна и силна група од која првопласираниот обезбедува директен пласман, додека четирите најдобро второпласирани репрезентации ке играат дополнителен бараж за место на европскиот шампионат.
„Општ впечаток е дека репрезентациите во нашата група по квалитет се изедначени, со исклучок на Франција, која е фаворит за првото место. Имаме добра генерација, и сметам дека можеат да се надигруваат со сите. Во сите натпревари ќе се бориме и ќе го дадеме нашиот максимум. Посакувам позитивен резултат против Исланд, како за почеток на квалификациите, што ќе биде мотив плус за сите нас“ - изјави селекторот на македонската репрезентација до 21 година, Благоја Милевски. До 8 јуни тимот се подготвува во Охрид, а ден потоа заминуваат за Исланд.
Дефанзивецот на францускиот Рен, Ѓоко Зајков ја посочи одличната атмосфера во селекцијата како нешто што на секој играч му дава дополнителна енергија, за да се почне со позитивен резултат на гостувањето во Хафнарфјордур на 11 јуни.
„Одлично е тоа што подготовките за натпреварот траат подолго од вообичаеното, што за нас е важно за да останеме во натпреварувачка форма. Атмосферата во тимот е одлична, ние сме семејство, тоа е нешто што му дава дополнителна енергија на секој играч во составот. Јасно е дека оваа генерација поседува квалитет, ние знаеме што сакаме и се надевам дека ќе го оствариме зацртаното, а тоа е да даваме максимум на секој натпревар и да се радуваме на позитивни резултати“, вели Зајков.
Македонија на последните пријателски мечеви, на кои оствари две победи (Црна Гора и Романија) и реми со Словенија, покажа дека има квалитет и дека може да се надигруваат со секоја селекција.
Можеби ќе ве интересира
ПРЕСТРЕЛКА ВО ЧАИР, МАЖ ИМА ЧЕТИРИ ПРОСТРЕЛНИ РАНИ: Пукано е од автомобил
И ДОЖД И ВЕТЕР, НО ТЕМПЕРАТУРИТЕ НАД 20 СТЕПЕНИ: Детална метео анализа за утре и за следната седмица
ИНЦИДЕНТ ВО АВТОКОМАНДА, АМАДЕУС БЕНД САКАШЕ ДА ГО ПРЕКИНЕ КОНЦЕРТОТ: „Се налутија на тонецот“
МАЛИЌИ СТАНА ПОЧЕСЕН КОНЗУЛ НА МЕКСИКО: Во Скопје е отворен конзулатот за зајакнување на односите меѓу Мексико и Македонија
ПОЧНА РЕКОНСТРУКЦИЈАТА НА ДЕВЕ БАИР: Инвестиција од 1,6 милиони евра за граничниот премин со Бугарија
СТИГНА МЕДИЦИНСКА ПОМОШ ЗА ЛИБАН: Обединетите Арапски Емирати доставија 40 тони лекови и други материјали
„КОНТИ“ СОГОЛЕ И МАКЕДОНСКИ ГРАЃАНИ ЗА ДЕСЕТИЦИ МИЛИОНИ ЕВРА: Администраторот се огради од одговорност, а нема ниту кривична пријава до МВР
ПО ПОЧИНУВАЊЕТО НА БЕБЕТО ДСЗИ ВЛЕГУВА ВО ДЕТСКАТА КЛИНИКА И ВО „КОЗЛЕ“: Имало ли пропусти во лекувањето?
КОНТАМИНИРАНА ВОДАТА ЗА ПИЕЊЕ ВО СТРУМИЦА: АХВ наложи нови мерки за “Комуналец” од Струмица
