ПРСТОТ НА АПАСИЕВ Е НА ЦРВЕНОТО КОПЧЕ „ПРОТИВ“: Левица ќе гласа против изборот на техничка влада
Објавено во: Македонија 28 Јануари, 2024
Лидерот на
партијата Левица, Димитар Апасиев, на неговиот ФБ профил објави фотографија од неговото
место во собраниската сала, односно од мониторот на кој е испишано: Точка 1
Избор на Влада на Република Северна Македонија. Неговиот прст е вперен кон
црвеното копче; „против“.
Тој и процедурално се обрати до новиот собраниски спикер:
,,Кој од вас двајца постапува правилно? Дали Талат Џафери, со двојазичност за која протестиравме три години, или вие со еднојазичноста? Бидејќи не може од етничката припадност на функционерот да зависи примената на законите!
Според членот 44 од преодни и завршни Одредби од Законот за Влада, кој вели дека заради организирање избори на пратеници, Собранието по предлог на претседателот на Владата, сто дена пред одржувањето избира техничка или преодна Влада - Џафери сè уште не е претседател на Влада и не го исполнува законскиот услов да продолжи Влада!?
Веќе за наредна недела имате закажано седници (комисиски) за административни службеници, вработени во јавен сектор, национални агенции, академии за судии, закон за трговски друштва, НБРМ, МАНУ, нотаријат, шуми... Што е ова, на овие државни институции, во контекст на идните избори!? Каква е таа техничка Влада, ако продолжува со редовна работа до самите избори - па нели е само за организирање избори?", праша лидерот на Левица.