12-ТИ ТРОФЕЈ ЗА КАРДИОЛОГОТ КЕДЕВ, ОСВОИ УШТЕ ЕДЕН ВРВ НАД 8.000 МЕТРИ: Се искачи и на кинескиот Шишапангма во Тибет
Објавено во: Македонија 05 Октомври, 2024
Македонскиот
кардиолог Сашко Кедев оствари уште еден голем успех откако го искачи врвот
Шишапангма во Кина. Станува збор за врв кој е висок 8.027 метри и се наоѓа во
Тибет.
Организаторот на турата ги објави членовите на екипата која го искачила врвот, а помеѓу нив е и Кедев. Тимот покрај Кедев бил составен од седуммина Непалци, Американец, Јапонец и Пакистанец.
-Во неверојатно
достигнување, 11 алпинисти од Imagine Nepal стигнаа до вистинскиот врв на
планината Шишапангма (8.027 метри) во 16:06 часот по средноевропско време на 4
октомври 2024 година, следејќи ја шпанската рута од 2006 година по Едурне
Пасабан. Овој монументален подвиг покажува дека пет алпинисти ги завршуваат
сите 14 највисоки врвови во светот, со MingmaG без дополнителен кислород! Д-р
Сашко Кедев, македонски алпинист, има искачено 12 врвови, а останаа Канченџунга
и Гашербрум-I, напиша организаторот.
За Кедев ова е 12. врв над 8.000 метри, а годинава ги искачи Макалу, Лоце и Гашербрум 2. Како предизвик пред него остануваат само уште врвовите Кангченѕунга (8.586 метри) и Гашербрум 1 (8.068) за да ги комплетира сите врвови во светот со над 8.000 метри.
ФОТО: САШКО КЕДЕВ