ПРВИ СЛИКИ ОД СТРАШНИОТ СУДИР НА ВОЗОВИ ВО ЧЕШКА: Најмалку 4 загинати и 23 повредени, смачкана локомотива (ФОТО, ВИДЕО)
Објавено во: Свет 06 Јуни, 2024
Четири лица загинаа, а најмалку 23 се повредени во судир на брз патнички и товарен воз во близина на чешкиот град Пардубице, соопштија властите.
Чешкиот министер за внатрешни работи Вит Ракусан изјави дека несреќата се случила во средата доцна навечер, околу 23 часот, на 100 километри од Прага.
Тој изјави дека три лица се тешко повредени, но дека нивните животи не се во опасност.
Возот сообраќал од Прага до Кошице во Словачка. Во моментот на несреќата во двата воза имало околу 300 луѓе, а полицијата, пожарникарите и итната помош брзо пристигнале на местото на настанот.
Pardubicích došlo ke srážce osobního a nákladního vlaku. Na místě aktuálně probíhá zásah všech složek IZS, byl vyhlášen traumaplán, na místě je velké množství zraněných, nemůžeme vyloučit ani mrtvé. #policiepak pic.twitter.com/P4EHlAAYQD
— Policie ČR (@PolicieCZ) June 5, 2024
Повредените со хеликоптер се пренесени во најблиската болница.
Машините на двата воза преживеале, јави чешката агенција ЦТК.
Товарниот воз превезувал калциум карбид, немало истекување.
И чешката телевизија објави дека товарниот воз превезувал калциум карбид, но дека истекувањето не дошло, бидејќи првите два вагона биле празни.
Na místě stále probíhají vyprošťovací a záchranné práce. Policisté začali s evakuací cestujících z vlaku. #policiepak pic.twitter.com/YOVvJry3wm
— Policie ČR (@PolicieCZ) June 5, 2024
Министерот за транспорт Мартин Купка од местото на несреќата истакна дека истрагата за причините за судирот е во тек.
Државната компанија „Чешки железници“ соопшти дека железничката пруга најверојатно ќе остане затворена цел ден „поради размерите на несреќата“.
Informace k železniční nehodě v Pardubicích zde: https://t.co/2kxR2gA4nR pic.twitter.com/AplVdmtilS
— HZS Pardubický kraj (@HZS_Pardubice) June 6, 2024
Коридорот во Пардубице, каде што се судрија возовите, е од витално значење за чешките железници. Чешкиот премиер Петр Фијала изјави дека тоа е голема трагедија и изрази сочувство до семејствата на жртвите.