РЕКТОРОТ ЈАНКУЛОВСКИ ЗА КОЛЕКТИВНИОТ ДОГОВОР: Ќе се подигне стандардот на универзитетските професори, тие ќе бидат мотивирани да го дадат својот максимум
Објавено во: Македонија 30 Декември, 2022
Ректорот на УКИМ, Проф.д-р Никола Јанкуловски, е дециден дека потпишувањето на Колективниот договор на Синдикатот на УКИМ и Собранието, е многу значаен чин за Универзитетот.
По тој повод тој до јавноста го испрати следново обраќање.
„Со оглед на тоа што високото образование е една од најважните продуктивни сили во општеството, сите сме свесни дека за да можеме да функционираме на повисоко ниво, здравствено и социјално, потребно е да произведеме и висококвалитетен кадар. За да имаме добри резултати на секое поле, мораме и да вложуваме постојано во него.
Потпишувањето на Колективниот договор на Синдикатот на УКИМ и Собранието на Република Северна Македонија е многу значајно за нас, од причина што универзитетските професори досега се чувствуваа запоставено. Се надевам дека нивните барања на овој начин се исполнети и тие ќе бидат поттикнати и мотивирани да го дадат својот максимум во образовниот процес.
Новиот Колективен договор ќе придонесе кон подигање на стандардот на универзитетските професори и иако сме сè уште далеку од израмнување на нашите плати со оние во соседните држави, ова е еден голем чекор напред и ќе се стремиме кон тоа да се избориме за уште подобар стандард и подобри услови. Морам да напоменам дека секое зголемување на платите на универзитетските професори ќе има голем удел и во подобрувањето на идното рангирање на Универзитетот и во поглед на натамошни објавувања на трудови со импакт-фактор, кое сега не се случува многу често, токму поради недоволно финансиски средства.
Му честитам на Синдикатот на УКИМ и се надевам дека во иднина ќе оствариме уште поголеми успеси“, вели во своето обраќање ректорот Проф. д-р Никола Јанкуловски.
Можеби ќе ве интересира
„СЕ ГЛЕДАМЕ ВО НОВИОТ СОБРАНИСКИ СОСТАВ“: Да ги преброиме зулумите, да ги израмниме есапите, порача Апасиев
АНГЕЛОВ ЗА ДИВО НАСЕЉЕ: Се ќе беше поинаку доколку, оние кои требаше, го сфатеа сериозно моето предупредување
ЗАРАДИ ЛОШИОТ ИЗБОРЕН РЕЗУЛТАТ, СЕ БАРА ОСТАВКА ОД АРСОВСКА: „По ваквиот резултат јасно е дека таа го загуби кредибилитетот да го води Скопје„, вели Стефковски
ПО ИЗБОРИТЕ СЕ ОГЛАСИ И АХМЕТИ: Ќе продолжиме да бидеме штитот од штетното руско влијание
ПАДНА УШТЕ ЕДНА ОСТАВКА ВО НИЗАТА: И Лукаревска заминува од подпретседателското место во СДСМ
НАЈЧЕВСКА ПРАШУВА ЗА ПРАТЕНИЦИТЕ НА ЛЕВИЦА: Која иднина ја нудат пратениците од оваа партија?
ЕВЕ КАКВИ ОБЛАЦИ НАДВИСНАА ВЧЕРА НАД СКОПЈЕ: Некаде имаше град, некаде пороен дожд и силни електрични празнења
„ГОСПОДА МАЖИ, ДРЖЕТЕ СЕ, СЕГА ЌЕ ВИДИТЕ НА ДЕЛО ШТО Е ЖЕНСКА СИЛА“: Малеска вели, оти претседателката најавила дека ќе се опкружи со жени слични на неа
